Ата булу – синең төп тормыш проектың!

2019 елның 12 марты, сишәмбе

Мәгълүмати кампания кысаларында авыр тормыш хәлендәге балаларга ярдәм итү Фонды тарафыннан ата булу темасына багышланган мәгълүмати социаль реклама видеороликлары эшләнгән. Аларда геройлар үзләре өчен яхшы ата булуның нинди әһәмияткә ия булуы турында сөйлиләр.

Һәр ролик – әти кешенең бала тормышында нинди мөһим булуы, ир кешенең үз балалары белән мөнәсәбәтләре өчен үзенә җаваплылык алуының мөһимлеге турында ачыктан-ачык сөйләшү ул. Һәм, әлбәттә, ата булуның никадәр зур бәхет бүләк итә алуы турында.